Battery Operated Spray Pump Sahay Yojana : ભારત સરકારે દેશના તાત સમાન ખેડૂતો માટે ખૂબ જ મદદ લગતી યોજનાઓ બહાર પાડેલી છે .જેમાં એક પાવર સંચાલિત પંપ સહાય યોજનાનો સમાવેશ કરવામાં આવ્યો છે. આ યોજનામાં ખેડૂતોને ખેતરમાં દવા છાંટવા માટેના પંપની સહાય આપવામાં આવે છે. આ પંપ એ બેટરીથી ચાલતા પંપ હોય છે. જેને ચાર્જિંગ કરીને દવાનો છંટકાવ કરી શકાય છે અને તે પંપ હેન્ડલ સિવાયના હોય છે.
ભારત સરકાર દ્વારા આપવામાં આવતી આ પંપ સહાય યોજનામાં કઈ રીતે અરજી કરવી અને તેનો લાભ કઈ રીતે મેળવવું તેની સંપૂર્ણ માહિતી આ લેખમાં વર્ણવેલી છે તો ધ્યાનપૂર્વક વાંચો.
પાવર સંચાલિત પંપ સહાય યોજના 2024
ખેડૂતોને દવાનો છંટકાવ કરવા માટે આ પાવર સંચાલિત પંપ ખુબ જ સગવડતા ભર્યો રહે છે.કારણ કે આ પંપ નું વજન બીજા એન્જિન વાળા પંપ કરતા ઓછું હોય છે તથા હેન્ડલ વાળા પંપની અંદર વારંવાર હેન્ડલ મારવા પડે છે અને આ પંપમાં હેન્ડલ હોતા નથી.
પાવર સંચાલિત પંપ સહાય યોજના દ્વારા સરકાર આ પંપની સહાય આપે છે અને હાલમાં આ યોજનાના ફોર્મ ભરવાના પણ શરૂ થઈ ગયેલા છે.
પાવર સંચાલિત પંપ સહાય યોજના મુખ્ય હેતુ
આ યોજનાનો મુખ્ય હેતુ એ જ છે કે ખેતરોમાં થયેલા ઉભા પાકમાં જીવાતો અને જંતુનાશક દવાઓનો છંટકાવ કરવા માટે ખેડૂતોને બેટરીથી ચાલતા પણ ની ખરીદી પર સહાય આપવામાં આવે છે .આ યોજનાનું અમલીકરણ ખેતીવાડી વિભાગ દ્વારા કરવામાં આવ્યું છે અને ગુજરાતના તમામ ખેડૂતો તેનો લાભ મેળવી શકે છે.
પાવર સંચાલિત પંપ સહાય યોજનામાં મળવા પાત્ર લાભ
આ યોજના દ્વારા એસસી એસટી વર્ગના ખેડૂતોને પંપના કુલ ખર્ચના 50% અથવા વધુમાં વધુ 4500 રૂપિયાની સહાય આપવામાં આવે છે .જે સામાન્ય ખેડૂતો છે તેમને પંપના કુલ ખર્ચના 50% અથવા વધુમાં વધુ રૂપિયા 3,000 મળશે પરંતુ બંનેમાંથી જે ઓછું હશે તે મળવા પાત્ર રહેશે .આ યોજના દ્વારા તમે એક જ પંપની ખરીદી કરી શકો છો અને એક જ પંપની સહાય મળવા પાત્ર રહેશે. આ યોજનાનો લાભ ખેડૂતો દર ત્રણ વર્ષે એક વખત મેળવી શકે છે.
યોજના માટે જરૂરી ડોક્યુમેન્ટ
- SC અને ST માટે જાતિનો દાખલો,
- દિવ્યાંગનું પ્રમાણપત્ર ( જો લાગુ પડતું હોય તો ) ,
- રેશનકાર્ડ ,આધારકાર્ડ ,
- 7/12 અને 8 અ ના ઉતારા ની નકલ ,
- બેંક પાસબુક ના પ્રથમ પાનાની ઝેરોક્ષ ,
- સંમતિ પત્રક સંયુક્ત ખાતેદાર હોવ તો.
અરજી કઈ રીતે કરવાની?
આ યોજનાનો લાભ મેળવવા માટે આઈ પોર્ટલની ઓફિસિયલ વેબસાઈટ પર જઈને ઓનલાઈન ફોર્મ ભરવાનું રહેશે. આ ઓનલાઇન ફોર્મ ભરવા માટે આઈ પોર્ટલમાં ખેતીવાડી વિભાગની યોજનામાં અરજી કરવી પડશે .આ ઓનલાઈન અરજી નું ફોર્મ ભર્યા બાદ અરજીને કન્ફર્મ કરી તેની પ્રિન્ટ કાઢી લેવાની રહેશે .
તમામ અરજી કરતા ખેડૂત મિત્રોને આ યોજના દ્વારા બેટરી સંચાલિત પંપની ખરીદી ઉપરાંત 4500 ની નાણાકીય સહાય મળવા પાત્ર રહેશે.